دائمی عقد کے احکام

2421۔ جس عورت کا دائمی نکاح هو جائے اس کے لئے حرام هے که شوهر کی اجازت کے بغیر گھر سے باهر نکلے خواه اس کا نکلنا شوهر کے حق کے منافی نه بھی هو۔ نیز اس کے لئے ضروری هے که جب بھی شوهر جنسی لذتیں حاصل کرنا چاهے تو

ص:456

اس کی خواهش پوری کرے اور شرعی عذر کے بغیر شوهر کو هم بستری سے نه روکے۔ اور اس کی غذا، لباس رهائش اور زندگی کی باقی ضروریات کا انتظام جب تک وه اپنی ذمے داری پوری کرنے شوهر پر واجب هے۔ اور اگر وه یه چیزیں مهیانه کرے تو خواه ان کے مهیا کرنے پر قدرت رکھتا هو یا نه رکھتا هو وه بیوی کا مقروض هے۔

2422۔ اگر کوئی عورت هم بستری اور جنسی لذتوں کے سلسلے میں شوهر کا ساتھ دے کر اس کی خواهش پوری نه کرے تو روٹی، کپڑے اور مکان کا وه ذمے دار نهیں هے اگرچه وه شوهر کے پاس هی رهے اور اگر وه کبھی کبھار اپنی ان ذمے داریوں کو پورا نه کرے تو مشهور قول کے مطابق تب بھی روٹی، کپڑے اور مکان کا شوهر پر حق نهیں رکھتی لیکن یه حکم محل اشکال هے اور هر صورت میں بلااشکال اس کا مهر کالعدم نهیں هوتا۔

2423۔ مرد کو یه حق نهیں که بیوی کو گھریلو خدمت پر مجبور کرے

2424۔بیوی کے سفر کے اخراجات وطن میں رهنے کے اخراجات سے زیاده هوں تو اگر اس نے سفر شوهر کی اجازت سے کیا هو تو شوهر کی ذمے داری هے که وه ان اخراجات کو پورا کرے۔ لیکن اگر وه سفر گاڑی یا جهاز وغیره کے ذریعے هو تو کرائے اور سفر کے دوسرے ضروری اخراجات کی وه خود ذمے دار هے۔ لیکن اگر اس کا شوهر اسے سفر میں ساتھ لے جانا چاهتا هو تو اس کے لئے ضروری هے که بیوی کے سفری اخراجات برداشت کرے۔

2425۔جس عورت کا خرچ اس کے شوهر کے ذمے هو اور شوهر اسے خرچ نه دے تو وه اپنا خرچ شوهر کے اجازت کے بغیر اس کے مال سے لے سکتی هے اور اگر نه لے سکتی هو اور مجبور هو که اپنی معاش خود بندوبست کرے اور شکایت کرنے کے لئے حاکم شرع تک اس کی رسائی نه هوتا که وه اس کے شوهر کو ۔ اگرچه قید کرکے هی ۔ خرچ دینے پر مجبور کرے تو جس وقت وه اپنی معاش کا بندوبست کرنے میں مشغول هو اس وقت شوهر کی اطاعت اس پر واجب نهیں ۃے۔

2426۔ اگر کسی مرد کی مثلاً دو بیویاں هوں اور وه ان میں سے ایک کے پاس ایک رات رهے تو اس پر واجب هے که چار راتوں میں سے کوئی ایک رات دوسری کے پاس بھی گزارے اور صورت کے علاوه عورت کے پاس رهنا واجب نهیں هے۔ هاں یه لازم هے که اس کے پاس رهنا بالکل هی ترک نه کردے اور اولی اور احوط یه هے که هر چار راتوں میں سے ایک رات مرد اپنی دائمی منکوحه بیوی کے پاس رهے۔

ص:457

2427۔ شوهر اپنی جوان بیوی سے چار مهینے سے زیاده مدت کے لئے هم بستری ترک نهیں کرسکتا مگر یه که هم بستری اس کے لئے نقصان ده یا بهت زیاده تکلیف کا باعث هو یا اس کی بیوی خود چار مهینے سے زیاده مدت کے لئے هم بستری ترک کرنے پر راضی هو یا شادی کرتے وقت نکاح کے ضمن میں چار مهینے سے زیاده مدت کے لئے هم بستری ترک کرنے کی شرط رکھی گئی هو اور اس حکم میں احتیاط کی بنا پر شوهر کے موجود هونے یا مسافر هونے یا عورت کے منکوحه یا مَمتُوعه هونے میں کوئی فرق نهیں هے۔

2428۔ اگر دائمی نکاح میں مهر معین نه کیا جائے تو نکاح صحیح هے اور اگر مرد عورت کے ساتھ جماع کرے تو اسے چاهئے که اس کا مهر اسی جیسی عورتوں کے مهر کے مطابق دے البته اگر متعه میں مهر معین نه کیا جائے تو متعه باطل هوجاتا هے۔

2429۔ اگر دائمی نکاح پڑھتے وقت مهر دینے کے لئے مدت معین نه کی جائے تو عورت مهر لینے سے پهلے شوهر کو جماع کرنے سے روک سکتی هے قطع نظر اس سے که مرد مهر دینے پر قادر هو یا نه هو لیکن اگر وه مهر لینے سے پهلے جماع پر راضی هو اور شوهر اس سے جماع کرے تو بعد میں وه شرعی عذر کے بغیر شوهر کو جماع کرنے سے نهیں روک سکتی۔