سجده سهو

1245۔ ضروری هے که انسان سلام نماز کے بعد پانچ چیزوں کے لئے اس طریقے کے مطابق جس کا آئنده ذکر هوگا دو سجدے سهو بجالائے:

1۔ نماز کی حالت میں سهواً کلام کرنا۔

2۔ جهاں سلام نماز نه کهنا چاهئے وهاں سلام کهنا۔ مثلاً بھول کر پهلی رکعت میں سلام پڑھنا۔

3۔ تشهد بھول جانا۔

4۔ چار رکعتی نماز میں دوسری سجدے کے دوران شک کرنا که چار رکعتیں پڑھی هیں یا پانچ، یا شک کرنا که چار رکعتیں پڑھی هیں یا چھ، بالکل اسی طرح جیسا که صحیح شکوک کے نمبر 4 میں گزر چکا هے۔

ان پانچ صورتوں میں اگر نماز پر صحیح هونے کا حکم هو تو احتیاط کی بنا پر پهلی، دوسری اور پانچویں صورت میں اور اقوی کی بنا پر تیسری اور چوتھی صورت میں دو سجده سهو ادا کرنا ضروری هے۔ اور احتیاط مستحب یه هے که اگر ایک سجده بھول جائے جهاں کھڑا هونا ضروری هو مثلاً الحمد اور سوره پڑھتے وقت وهاں غلطی سے بیٹھ جائے یا جهاں بیٹھنا ضروری هو مثلا تشهد پڑھتے وقت وهاں غلطی سے کھڑا هو جائے تو دو سجده سهو ادا کرے بلکه هر اس چیز کے لئے جو غلطی سے نماز میں کم یا زیاده هو جائے دو سجده سهو کر ان چند صورتوں کے احکام آئند مسائل میں بیان هوں گے۔

1246۔اگر انساں غلطی سے یا اس خیال سے که وه نماز پڑھ چکا هے کلام کرے تو احتیاط کی بنا پر ضروری هے که دو سجده سهو کرے۔

ص:247

1247۔اس آواز کے لئے جو کھانسنے سے پیدا هوتی هے سجده سهو واجب نهیں لیکن اگر کوئی غلطی سے ناله و بکا کرے یا (سرد) آه بھرے یا (لفظ) آه کهے تو ضروری هے که احتیاط کی بنا پر سجده سهو کرے۔

1248۔ اگر کوئی شخص ایک ایسی چیز کو جو اس نے غلط پڑھی هو دوباره صحیح طور پر پڑھے تو اس کے دوباره پڑھنے پر سجده سهو واجب نهیں هے۔

1249۔ اگر کوئی شخص نماز میں غلطی سے کچھ دیر باتیں کرتا رهے اور عموماً اسے ایک دفعه بات کرنا سمجھا جاتا هو تو اس کے لئے نماز کے سلام کے بعد دو سجده سهو کافی هیں۔

1250۔ اگر کوئی شخص غلطی سے تسبیحات اربعه نه پڑھے تو احتیاط مستحب یه هے که نماز کے بعد دو سجده سهو بجالائے۔

1251۔ جهاں نماز کا سلام نهیں کهنا چاهئے اگر کوئی شخص غلطی سے اَلسَّلاَمُ عَلَیناَ وَعَلیٰ عِبَادِ اللهَ الصَّالِحیِن کهه دے یا الَسَّلامُ عَلَیکُم کهے تو اگر چه اس نے "وَرَحمَۃُ اللهِ وَبَرَکَاتُه" نه کها هو تب بھی احتیاط لازم کی بنا پرضروری هے که دو سجده سهو کرے۔ لیکن اگر غلطی سے "اَلسَّلاَمُ عَلَیکُ اَیُّھَا النَّبِیُّ وَرَحمَۃُ اللهِ وَبَرَ کَاتُه" کهے تو احتیاط مستحب یه هے که دو سجدے سهو بجالائے۔

1252۔ جهاں سلام نهیں پڑھنا چاهئے اگر کوئی شخص وهاں غلطی سے تینوں سلام پڑھ لے تو اس کے لئے دو سجده سهو کافی هیں۔

1253۔اگر کوئی شخص ایک سجده یا تشهد بھول جائے اور بعد کی رکعت کے رکوع سے پهلے اسے یاد آئے تو ضروری هے که پلٹے اور (سجده یا تشهد) بجالائے اور نماز کے بعد احتیاط مستحب کی بنا پر بے جا قیام کے لئے دو سجده سهو کرے۔

1254۔اگر کسی شخس کو رکوع میں یا اس کے بعد یاد آئے که وه اس سے پهلی رکعت میں ایک سجده یا تشهد بھول گیا هے تو ضروری هے که سلام نماز کے بعد سجدے کی قضا کرے اور تشهد کے لئے دو سجده سهو کرے۔

1255۔اگر کوئی شخص نماز کے سلام کے بعد جان بوجھ کر سجده سهو نه کرے تو اس نے گناه کیا هے اور احتیاط واجب کی بنا پر ضروری هے که جس قدر جلدی هوسکے اسے ادا کرے اور اگر اس نے بھول کر سجده سهو نهیں کیا تو جس وقت بھی اسے یاد آئے ضروری هے که فوراً سجده کرے اور اس کے لئے نماز کا دوباره پڑھنا ضروری نهیں۔

ص:248

1256۔ اگر کوئی شخص شک کرے که مثلاً اس پر دو سجده سهو واجب هوئے هیں یا نهیں تو ان کا بجالانا اس کے لئے ضروری نهیں۔

1257۔ اگر کوئی شخص شک کرے که مثلاً اس پر دو سجده سهو واجب هوئے هیں یا چار تو اس کا دو سجدے ادا کرنا کافی هے۔

1258۔ اگر کسی شخص کو علم هو که دو سجده سهو میں سے ایک سجده سهو نهیں بجالایا اور تدارک بھی ممکن نه هو تو ضروری هے که دو سجده سهو بجالائے اور اگر اسے علم هو که اس نے سهواً تین سجدے کئے هیں تو احتیاط واجب یه که دوباره دو سجده سهو بجالائے۔