مستحب غسل

651۔ اسلام کی مقدس شریعت میں بهت سے غسل مستحب هیں جن میں سے کچھ یه هیں:

1۔ غسل جمعه۔ اس کا وقت صبح کی اذان کے بعد سے سورج غروب هونے تک هے اور بهتر یه هے که ظهر کے قریب بجالایا جائے (اور اگر کوئی شخص اسے ظهر تک انجام نه دے تو بهتر هے که ادا اور قضا کی نیت کئے بغیر غروب آفتاب تک بجالائے) اور اگر جمعه کے دن غسل نه کرے تو مستحب هے که هفتے کے دن صبح سے غروب آفتاب تک اس کی قضا بجالائے۔ اور جو شخص جانتا هو که اسے جمعه کے دن پانی میسر نه هوگا تو وه رجاء جمعرات کے دن غسل انجام دے سکتا هے اور مستحب هے که انسان غسل جمعه کرتے وقت یه دعا پڑھے۔ "اَشھَدُ اَن لاَّ اِلٰهَ اِلاَّ اللهُ وَحدَهُ لاَ شَرِیکَ لَه وَاَنَّ مُحَمَّدًا عَبدُه وَرَسُولُهُ اَللّٰھُمَّ صَلِّ عَلٰی مُحَمَّدٍ وَّ اٰلِ مُحَمَّدٍ وَّاجعَلنِی مِنَ التَّوَّبِینَ وَاجعَلنِی مِنَ المُتَطَھِّرِینَ"۔

2 تا 7 ۔ ماه رمضان کی پهلی اور سترھویں رات اور انیسویں، اکیسویں اور تیئسویں راتوں کے پهلے حصے کا غسل اور چوبیسویں رات کا غسل۔

8۔9۔ عید الفطر اور عید قربان کے دن کا غسل۔ اس کا وقت صبح کی اذان سے سورج غروب هونے تک هے اور بهتر یه هے که عید کی نماز سے پهلے کر لیا جائے۔

10۔11۔ ماه ذی الحجه کے آٹھویں اور نویں دن کا غسل اور بهتر یه هے که نویں دن کا غسل ظهر کے نزدیک کیا جائے۔

13۔ اس شخص کا غسل جس نے اپنے بدن کا کوئی حصه ایسی میت کے بدن سے مس کیا هو جسے غسل دیا گیا هو۔

13۔ احرام کا غسل۔

14۔ حرم مکه میں داخل هونے کا غسل۔

15۔ مکه مکرمه میں داخل هونے کا غسل ۔

16۔ خانه کعبه کی زیارت کا غسل۔

ص:134

17۔ کعبه میں داخل هونے کا غسل۔

18۔ ذبح اور نحر کے لئے غسل۔

19۔ بال مونڈنے کے لئے غسل۔

20۔ حرم مدینه میں داخل هونے کا غسل۔

21۔ مدینه منوره میں داخل هونے کا غسل۔

22۔ مسجد نبوی میں داخل هونے کا غسل۔

23۔ نبی کریم صلی الله علیه وآله وسلم کی قبر مطهر سے وداع هونے کا غسل۔

24۔ دشمن کے ساتھ مباهله کرنے کا غسل۔

25۔ نوزائده بچے کو غسل دینا۔

26۔ استخاره کرنے کا غسل

27۔ طلب باران کا غسل

652۔ فقهاء نے مستحب غسلوں کے باب میں بهت سے غسلوں کا ذکر فرمایا هے جن میں سے چند یه هیں 1۔ ماه رمضان المبارک کی تمام طاق راتوں کا غسل اور اس کی آخری دهائی کی تمام راتوں کا غسل اور اس کی تیسویں رات کے آخری حصے میں دوسرا غسل۔

2۔ ماه ذی الحجه کے چوبیسویں دن کا غسل۔

3۔ عید نوروز کے دن اور پندرهویں شعبان اور نویں اور سترهویں ربیع الاول اور ذی القعده کے پچیسویں دن کا غسل۔

4۔ اس عورت کا غسل جس نے اپنے شوهر کے علاوه کسی اور کے لئے خوشبو استعمال کی هو۔

ص:135

5۔ اس شخص کا غسل جو مستی کی حالت میں سوگیا هو۔

6۔ اس شخص کا غسل جو کسی سولی چڑھے هوئے انسان کو دیکھنے گیا هو اور اسے دیکھا بھی هو لیکن اگر اتفاقاً یا مجبوری کی حالت میں نظر گئی هو یا مثال کے طور پر اگر شهادت دینے گیا هو تو غسل مستحب نهیں هے۔

7۔ دور یا نزدیک سے معصومیں علیهم السلام کی زیارت کے لئے غسل۔ لیکن احوط یه هے که یه تمام غسل رجاء کی نیت سے بجالائے جائیں۔

653۔ ان مستحب غسلوں کے ساتھ جن کا ذکر مسئله 651 میں کیا گیا هے انسان ایسے کام مثلاً نماز انجام دے سکتا هے جن کے لئے وضو لازم هے (یعنی وضو کرنا ضروری نهیں هے) لیکن جو غسل بطور رجاء کیے جائیں وه وضو کے لئے کفایت نهیں کرتے (یعنی ساتھ ساتھ وضو کرنا بھی ضروری هے)۔

654۔ اگر کئی مستحب غسل کسی شخص کے ذمے هوں اور وه سب کی نیت کرکے ایک غسل کر لے تو کافی هے۔