مهینے کی پهلی تاریخ ثابت هونے کا طریقه

ص:324

1739۔ مهینے کی پهلی تاریخ (مندرجه ذیل) چار چیزوں سے ثابت هوتی هے :

1۔ انسان خود چاند دیکھے۔

2۔ ایک ایسا گروه جس کے کهنے پر یقین یا اطمینان هو جائے یه کهے که هم نے چاند دیکھا هے اور اس طرح هر وه چیز جس کی بدولت یقین یا اطمینان هو جائے۔

3۔ دو عادل مرد یه کهیں که هم نے رات کو چاند دیکھا هے لیکن اگر وه چاند کے الگ الگ اوصاف بیان کریں تو پهلی تاریخ ثابت نهیں هوگی۔ اور یهی حکم هے اگر ان کی گواهی میں اختلاف هو۔ یا اس کے حکم میں اختلاف هو۔ مثلاً شهر کے بهت سے لوگ چاند دیکھنے کی کوشش کریں لیکن دو عادل آدمیوں کے علاوه کوئی دوسرا چاند دیکھنے کا دعوی نه کرے یا کچھ لوگ چاند دیکھنے کی کوشش کریں اور ان لوگوں میں سے دو عادل چاند دیکھنے کا دعوی کریں اور دوسروں کو چاند نظر نه آئے حالانکه ان لوگوں میں دو اور عادل آدمی ایسے هوں جو چاند کی جگه پهچاننے، نگاه کی تیزی اور دیگر خصوصیات میں ان پهلے دو عادل آدمیوں کی مانند هوں (اور وه چاند دیکھنے کا دعوی نه کریں) تو ایسی صورت میں دو عادل آدمیوں کی گواهی سے مهینے کی پهلی تاریخ ثابت نهیں هوگی۔

4۔ شعبان کی پهلی تاریخ سے تیس دن گزر جائیں جن کے گزرنے پر ماه رمضان المبارک کی پهلی تاریک ثابت هوجاتی هے اور رمضان المبارک کی پهلی تاریخ سے تیس دن گزر جائیں جن کے گزرنے پر شوال کی پهلی تاریخ ثابت هو جاتی هے۔

1740۔ حاکم شرع کے حکم سے مهینے کی پهلی تاریخ ثابت نهیں هوتی اور احتیاط کی رعایت کرنا اولی هے۔

1741۔ منجموں کی پیش گوئی سے مهینے کی پهلی تاریخ ثابت نهیں هوتی لیکن اگر انسان کو ان کے کهنے سے یقین یا اطمینان هو جائے تو ضروری هے که اس پر عمل کرے۔

1742۔ چاند ا آسمان پر بلند هونا یا اس کا دیر سے غروب هونا اس بات کی دلیل نهیں که سابقه رات چاند رات تھی اور اسی طرح اگر چاند کے گرد حلقه هو تو یه اس بات کی دلیل نهیں هے که پهلی کا چاند گزشته رات نکلا هے۔

ص:325

1743۔ اگر کسی شخص پر ماه رمضان المبارک کی پهلی تاریخ ثابت نه هو اور وه روزه نه رکھے لیکن بعد میں ثابت هو جائے که گزشته رات هی چاند تھی تو ضروری هے که اس دن کے روزے کی قضا کرے۔

1744۔ اگر کسی شهر میں مهینے کی پهلی تاریخ ثابت هو جائے تو وه دوسرے شهروں میں بھی که جن کا افق اس شهر سے متحد هو مهینے کی پهلی تاریخ هوتی هے۔ یهاں پر افق کے متحد هونے سے مراد یه هے که اگر پهلے شهر میں چاند دکھائی دے تو دوسرے شهر میں بھی اگر بادل کی طرح کوئی رکاوٹ نه هو تو چاند دکھائی دیتا هے۔

1745۔ مهینے کی پهلی تاریخ ٹیلی گرام (اور ٹیلکس یا فیکس) سے ثابت نهیں هوتی سوائے اس صورت کے که انسان کو علم هو که یه پیغام دو عادل مردوں کی شهادت کی رو سے کسی دوسرے ایسے طریقے سے آیا هے جو شرعاً معتبر هے ۔

1746۔ جس دن کے متعلق انسان کو علم نه هو که رمضان المبارک کا آخری دن هے یا شوال کا پهلا دن اس دن ضروری هے که روزه رکھے لیکن اگر دن هی دن میں اسے پته چل جائے که آج یکم شوال (روز عید) هے تو ضروری هے که روزه افطار کرلے۔

1747۔ اگر کوئی شخص قید میں هو اور ماه رمضان کے بارے میں یقین نه کر سکے تو ضروری هے که گمان پر عمل کرے لیکن اگر قوی گمان پر عمل کر سکتا هو تو ضعیف گمان پر عمل نهیں کر سکتا اور اگر گمان پر عمل ممکن نه هو تو ضروری هے که جس مهینے کے بارے میں احتمال هو که رمضان هے اس مهینے میں روزے رکھے لیکن ضروری هے که وه اس مهینے کو یاد رکھے۔ چنانچه بعد میں اسے معلوم هو که وه ماه رمضان یا اس کے بعد کا زمانه تھا تو اس کے ذمے کچھ نهیں هے۔ لیکن اگر معلوم هو که ماه رمضان سے پهلے کا زمانه تھا تو ضروری هے که رمضان کے روزوں کی قضا کرے۔