نَبشِ قبر (قبر کا کھولنا)

648۔ کسی مسلمان کا نبش قبر یعنی اس کی قبر کا کھولنا خواه وه بچه یا دیوانه هی کیوں نه هو حرام هے۔ هاں اگر اس کا بدن مٹی کے ساتھ مل کر مٹی هوچکا هو تو پھر کوئی حرج نهیں۔

649۔ امام زادوں، شهیدوں، عالموں اور صالح لوگوں کی قبروں کو اجاڑنا خواه انهیں فوت هوئے سالها سال گزر چکے هون اور ان کے بدن خاک هو گئے هوں، اگر ان کی بے حرمتی هوتی هو تو حرام هے۔

650۔ چند صورتیں ایسی هیں جن میں قبر کا کھولنا حرام نهیں هے:

ص:132

ا۔ جب میت کو غصبی زمین میں دفن کیا گیا هو اور زمین کا مالک اس کے وهاں رهنے پر راضی نه هو۔

2۔ جب کفن یا کوئی اور چیز جو میت کے ساتھ دفن کی گئی هو غصبی هو اور اس کا مالک اس بات پر رضامند نه هو که وه قبر میں رهے اور اگر خود میت کے مال میں سے کوئی چیز جو اس کے وارثوں کو ملی هو اس کے ساتھ دفن هوگئی هو اور اس کے وارث اس بات پر راضی نه هوں که وه چیز قبر میں رهے تو اس کی بھی یهی صورت هے البته اگر مرنے والے نے وصیت کی هو که دعا یا قرآن مجید یا انگوٹھی اس کے ساتھ دفن کی جائے اور اس کی وصیت پر عمل کیا گیا هو تو ان چیزوں کو نکالنے کے لئے قبر کو نهیں کھولا جاسکتا هے۔ اسی طرح ان بعض صورتوں میں بھی جب زمین یا کفن میں سے کوئی ایک چیز غصبی هو یا کوئی اور غصبی چیز میت کے ساتھ دفن هو گئی هو تو قبر کو نهیں کھولا جاسکتا۔ لیکن یهاں ان تمام صورتوں کی تفصیل بیان کرنے کی گنجائش نهیں هے۔

3۔ جب قبر کا کھولنا میت کی بے حرمتی کا موجب نه هو اور میت کو بغیر غسل دیئے یا بغیر کفن پهنائے دفن کیا گیا هو یا پته چلے که میت کا غسل باطل تھا یا اسے شرعی احکام کے مطابق کفن نهیں دیا گیا تھا یا قبر میں قبلے کے رخ پر نهیں لٹایا گیا تھا۔

4۔ جب کوئی ایسا حق ثابت کرنے کے لئے جو نبش قبر سے اهم هو میت کا بدن دیکھنا ضروری هو۔

5۔ جب میت کو ایسی جگه دفن کیا گیا هو جهاں اس کی بے حُرمتی هوتی هو مثلاً اسے کافروں کے قبرستان میں یا اس جگه دفن کیا گیا هو جهاں غلاظت اور کوڑا کرکٹ پھینکا جاتا هو۔

6۔ جب کسی ایسے شرعی مقصد کے لئے قبر کھولی جائے۔ جس کی اهمیت قبر کھولنے سے زیاده هو مثلاً کسی زنده بچے حامله عورت کے پیٹ سے نکالنا مطلوب هو جسے دفن کر دیا گیا هو۔

7۔ جب یه خوف هو که درنده میت کو چیرپھاڑ ڈالے گا یا سیلاب اسے بها لے جائے گا یا دشمن اسے نکال لے گا۔

8۔ میت نے وصیت کی هو که اسے دفن کرنے سے پهلے مقدس مقامات کی طرف منتقل کیا جائے اور لے جاتے وقت اس کی بے حرمتی بھی نه هوتی هو لیکن جان بوجھ کر یا بھولے سے کسی دوسری جگه دفنا دیا گیا هو تو بے حرمتی نه هونے کی صورت میں قبر کھول کر اسے مقدس مقامات کی طرف لے جاسکتے هیں۔

ص:133