کرائے کے احکام

2181۔ کوئی چیز کرائے پر دینے والے اور کرائے پر لینے والے کے لئے ضروری هے که بالغ اور عاقل هون اور کرایه لینے یا کرایه دینے کا کام اپنے اختیاط سے کریں۔ اور یه بھی ضروری هے که اپنے مال میں تصرف کا حق رکھتے هوں لهذا چونکه سَفِیه اپنے مال میں تصرف کرنے کا حق نهیں رکھتا اس لئے نه وه کوئی چیز کرائے پر لے سکتا هے اور نه دے سکتا هے۔ اسی طرح جو شخص دیوالیه هو چکا هو وه ان چیزوں کو کرائے پر نهیں دے سکتا جن میں وه تصرف کا حق نه رکھتا هو اور نه وه ان میں سے کوئی چیز کرائے پر لے سکتا هے لیکن اپنی خدمات کو کرائے پر پیش کر سکتا هے۔

2182۔ انسان دوسرے کی طرف سے وکیل بن کر اس کا مال کرائے پر دے سکتا هے یا کوئی مال اس کے لئے کرائے پر لے سکتا هے۔

2183۔ اگر بچے کا سرپرست یا اس کے مال کا منتظم بچے کا مال کرائے پر دے یا بچے کو کسی کا اجیر مقرر کر دے تو کوئی حرج نهیں اور اگر بچے کے بالغ هونے کے بعد کی کچھ مدت کو بھی اجارے کی مدت کا حصه قرار دیا جائے تو بچه بالغ هونے کے بعد باقیمانده اجاره فسخ کرسکتا هے اگرچه صورت یه هو که اگر بچے کے بالغ هونے کی کچھ مدت کو اجاره کی مدت کا حصه نه بنایا جاتا تو یه بچے کے لئے مصلحت کے علی الرغم هوتا۔ هاں اگر وه مصلحت که جس کے بارے میں یه علم هو که شارع مُقدس اس مصلحت کو ترک کرنے پر راضی نهیں هے اس صورت میں اگر حاکم شرع کی اجازت سے اجاره وقع هو جائے تو بچه بالغ هونے کے بعد اجاره فسخ نهیں کرسکتا۔

2184۔ جس نابالغ بچے کا سرپرست نه هو اسے مجتهد کی اجازت کے بغیر مزدوری پر نهیں لگایا جاسکتا اور جس شخص کی رسائی مجتهد تک نه هو وه ایک مومن شخص کی اجازت لے کر جو عادل هو بچے کو مزدوری پر لگا سکتا هے۔

ص:410

2175۔ اجاره دینے والے اور اجاره لینے والے کے لئے ضروری نهیں که صیغه عربی زبان میں پڑھیں بلکه اگر کسی چیز کا مالک دوسرے سے کهے که میں نے اپنا مال تمهیں اجارے پر دیا اور دوسرا کهے که میں نے قبول کیا تو اجاره صحیح هے بلکه اگر وه منه سے کچھ بھی نه کهیں اور مالک اپنا مال اجارے کے قصد سے مُستاجِر کو دے اور وه بھی اجارے کے قصد سے لے تو اجاره صحیح هوگا۔

2186۔ اگر کوئی شخص چاهے که اجارے کا صیغه پڑھے بغیر کوئی کام کرنے کے لئے اجیر بن جائے جونهی وه کام کرے میں مشغول هوگا اجاره صحیح هوجائے گا۔

2187۔ جو شخص بول نه سکتا هو اگر وه اشارے سے سمجھا دے که اس نے کوئی چیز اجارے پر دی هے یا اجارے پرلی هے تو اجاره صحیح هے۔

2188۔ اگر کوئی شخص مکان یا دکان یا کشتی یا کمره اجارے پر لے اور اس کا مالک یه شرط لگائے که صرف وه اس سے استفاده کر سکتا هے تو مُستَاجِر اسے کسی دوسرے کو استعمال کے لئے اجارے پر نهیں دے سکتا بجز اس کے که وه نیا اجاره اس طرح هو که اس کے فوائد بھی خود مستاجر سے مخصوص هوں۔ مثلاً ایک عورت ایک مکان یا کمره کرائے پر لے اور بعد میں شادی کرلے اور کمره یا مکان اپنی رهائش کے لئے کرائے پر دے دے (یعنی شوهر کو کرائے پر دے کیونکه بیوی کی رهائش کا انتظام بھی شوهر کی ذمے داری هے) اور اگر مالک ایسی کوئی شرط نه لگائے تو مستاجر دوم کے سپرد کرنے کے لئے احتیاط کی بنا پر ضروری هے که مالک سے اجازت لے لے لیکن اگر وه یه چاهے که جتنے کرائے پر لیا هے اس سے زیاده کرائے پردے اگرچه (کرایه رقم نه هو) دوسری جنس سے هو تو ضروری هے که اس نے مرمت اور سفیدی وغیره کرائی هو یا اس کی حفاظت کے لئے کچھ نقصان برادشت کیا هو تو وه اسے زیاده کرائے پر دے سکتا هے۔

2189۔ اگر اجیر مُستَاجر سے یه شرط طے کرے که وه فقط اسی کا کام کرے گا تو بجز اس صورت کے جس کا ذکر سابقه مسئلے میں کیا گیا هے اس اجیر کو کسی دوسرے شخص کو بطور اجاره نهیں دیا جاسکتا اور اگر اجیر ایسی کوئی شرط نه لگائے تو اسے دوسرے کو اجارے پر دے سکتا هے لیکن جو چیز اس کو اجارے پر دے رها هے ضروری هے که اس کی قیمت اس اجارے سے زیاده نه هو جو اجیر کے لئے قرار دیا هے۔ اور اسی طرح اگر کوئی شخص خود کسی کا اجیر بن جائے اور کسی دوسرے شخص کو وه کام کرنے کے لئے کم اجرت پر رکھ لے تو اس کے لئے بھی یهی حکم هے (یعنی وه اسے کم اجرت پر نهیں رکھ سکتا) لیکن اگر اس نے کام کی کچھ مقدار خود انجام دی هو تو پھر دوسرے کو کم اجرت پر بھی رکھ سکتا هے۔

ص:411

2190۔ اگر کوئی شخص مکان دکان، کمرے اور کشتی کے علاوه کوئی اور چیز مثلاً زمین کرائے پرلے اور زمین کا مالک اس سے یه شرط نه کرے که صرف وهی اس سے استفاده کرسکتا هے تو اگر جتنے کرائے پر اس نے وه چیز لی هے اس سے زیاده کرائے پر دے تو اجاره صحیح هونے میں اشکال هے۔

2191۔ اگر کوئی شخص مکان یا دکان مثلاً ایک سال کے لئے سو روپیه کرائے پر لے اور اس کا آدھا حصه خود استعمال کرے تو دوسرا حصه سو روپیه کرائے پر چڑھا سکتا هے لیکن اگر وه چاهے که مکان یا دکان کا آدھا حصه اس سے زیاده کرائے پر چڑھا دے جس پر اس نے خود وه دکان یا مکان کرائے پر لیا هے مثلاً 120 روپے کرائے پر دے دے تو ضروری هے که اس نے اس میں مرمت وغیره کا کام کرایا هو۔