گم شده مال پانے کے احکام

2573۔اگر کسی شخص کو کسی دوسرے کا گم شده ایسا مال ملے جو حیوانات میں سے نه هو اور جس کی کوئی ایسی نشانی بھی نه هو جس کے ذریعے اس کے مالک کا پتا چل سکے تو خواه اس کی قیمت ایک درهم ۔ 12 چنے سکه دار چاندی ۔ سے کم هو یا نه هو وه اپنے لئے لے سکتا هے لیکن احتیاط مستحب هے که وه شخص اس مال کو اس کے مالک کی طرف سے فقیروں کو صدقه کر دے۔

2574۔ اگر کوئی انسان کهیں گری هوئی ایسی چیز پائے جس کی قیمت ایک درهم سے کم هو تو اگر اس کا مالک معلوم هو لیکن انسان کو یه علم نه هو که وه اس کے اٹھانے پر راضی هے یا نهیں تو وه اس کی اجازت کے بغیر اس چیز کو نهیں اٹھا سکتا اور اگر اس کے مالک کا علم نه هو تو احتیاط واجب یه هے که اس کو مالک کی طرف سے صدقه کر دے اور جب بھی اس کا مالک ملے اور صدقه دینے پر راضی نه هو تو اسے اس کا عوض دے دے۔

2575۔ اگر کوئی شخص ایک ایسی چیز پائے جس پر کوئی ایسی نشانی هو جس کے ذریعے اس کے مالک کا پتا چلایا جاسکے تو اگرچه اسے معلوم هو که اس کا مالک ایک ایسا کافر جس کا مال محترم هے تو اس صورت میں اس چیز کی قیمت ایک درهم تک پهنچ جائے تو ضروری هے که جس دن وه چیز ملی هو اس سے ایک سال تک لوگوں کی بیٹھکوں (یا مجلسوں) میں اس کا اعلان کرے۔

2576۔ اگر انسان خود اعلان نه کرنا چاهے تو ایسے آدمی کو اپنی طرف سے اعلان کرنے کے لئے کهه سکتا هے جس کے متعلق اسے اطمینان هو که وه اعلان کر دے گا۔

2577۔ اگر مذکوره شخص ایک سال تک اعلان کرے اور مال کا مالک نه ملے تو اس صورت میں جب که وه مال حرم پاک (مکه) کے علاوه کسی جگه سے ملا هو وه اسے اس کے مالک کے لئے اپنے پاس رکھ سکتا هے تاکه جب بھی وه ملے اسے دے دے یا مال کے مالک کی طرف سے فقیروں کو صدقه کر دے اور احتیاط لازم یه هے که وه خود نه لے اور اگر وه مال اسے حرم پاک میں ملا هو تو احتیاط واجب یه هے که اسے صدقه کردے۔

ص:487

2578۔ اگر ایک سال تک اعلان کرنے کے بعد بھی مال کا مالک نه ملے اور جسے وه مال ملا هو وه اس کے مالک کے لئے اسے اپنے پاس رکھ لے (یعنی جب مالک ملے گا اسے دے دوں گا) اور وه مال تلف هو جائے تو اگر اس نے مال کی نگهداشت میں کوتاهی نه برتی هو اور تعدی بھی نه کی هو تو پھر وه ذمے دار نهیں هے لیکن اگر وه مال اس کے مالک کی طرف سے صدقه کر چکا هو تو مال کے مالک کو اختیار هے که اس صدقے پر راضی هو جائے یا اپنے مال کے عوض کا مطالبه کرے اور صدقے کا ثواب صدقه کرنے والے کو ملے گا۔

2579۔ جس شخص کو کوئی مال ملا هو اگر وه اس طریقے کے مطابق جس کا ذکر اوپر کیا گیا هے عمداً اعلان نه کرے تو پهلے (اعلان نه کرکے اگرچه) اس نے گناه کیا هے لیکن اب اسے احتمال هو که (اعلان کرنا) مفید هوگا تو پھر بھی اس پر واجب هے که اعلان کرے۔

2580۔اگر دیوانے یا نابالغ بچے کو کوئی ایسی چیز مل جائے جس میں علامت موجود هو اور اس کی قیمت ایک درهم کے برابر هو تو اس کا سرپرست اعلان کرسکتا هے ۔ بلکه اگر وه چیز سرپرست نے بچے یا دیوانے سے لے لی هو تو اس پر واجب هے که اعلان کرے۔ اور اگر ایک سال تک اعلان کرے پھر بھی مال کا مالک نه ملے تو ضروری هے که جو کچھ مسئله 2577 میں بتایا گیا هے اس کے مطابق عمل کرے۔

2581۔ اگر انسان اس سال کے دوران جس میں وه (ملنے والے مال کے بارے میں) اعلان کر رها هو مال کے مالک کے ملنے سے ناامید هو جائے تو ۔ احتیاط کی بنا پر ۔ ضروری هے که حاکم شرع کی اجازت سے اس مال کو صدقه کردے ۔

2582۔اگر اس سال کے دوران جس میں (انسان ملنے والے مال کے بارے میں) اعلان کر رها هو وه مال تلف هو جائے تو اگر اس شخص نے اس مال کی نگهداشت میں کوتاهی کی هو یا تَعَّدی یعنی بیجا استعمال کرے تو وه ضامن هے که اس کا عوض اس کے مالک کو دے اور ضروری هے که اعلان کرتا رهے اور اگر کوتاهی یا تَعَّدی نه که هو تو پھر اس پر کچھ بھی واجب نهیں هے۔

2583۔اگر کوئی مال جس پر کوئی نشانی (یا مارکه) هو اور اس کی قیمت ایک درهم تک پهنچتی هو ایسی جگه ملے جس کے بارے میں معلوم هو که اعلان کے ذریعے اس کا مالک نهیں ملے گا تو ضروری هے که (جس شخص کو وه مال ملا هو) وه پهلے

ص:488

دن هی اسے احتیاط لازم کی بنا پر حاکم شرع کی اجازت سے اس کے مالک کی طرف سے فقیروں کو صدقه کر دے اور ضروری نهیں که وه ایک سال ختم هونے تک انتظار کرے۔

2584۔ اگرکسی شخص کو کوئی چیز ملے اور وه اسے اپنا مال سمجھتے هوئے اٹھالے اور بعد میں اسے پتا چلے که وه اس کا اپنا مال نهیں هے تو جو اس سے پهلے والے مسائل میں بیان کئے گئے هیں انهی کے مطابق عمل کرے۔

2575۔ جو چیز ملی هو ضروری هے که اس طرح اعلان کیا جائے۔ که اگر اس کا مالک سنے تو اسے غالب گمان هو که وه چیز اس کا مال هے اور اعلان کرنے میں مختلف مواقع کے لحاظ سے فرق هوتا هے مثلاً بعض اوقات اتنا کهنا هی کافی هے که "مجھے کوئی چیز ملی هے" لیکن بعض دیگر صورتوں میں ضروری هے که اس چیز کی جنس کا تعین کرے مثلاً یه کهے که "سونے کا ایک ٹکڑا مجھے ملا هے" اور بعض صورتوں میں اس چیز کی بعض خصوصیات کا بھی اضافه ضروری هے مثلاً کهے "سونے کی بالیاں مجھے ملی هیں " لیکن بهر حال ضروری هے که اس چیز کی تمام خصوصیات کا ذکر نه کرے تاکه وه چیز معین نه هو جائے۔

2586۔ اگر کسی کو کوئی چیز مل جائے اور دوسرا شخص کهے که یه میرا مال هے اور اس کی نشانیاں بھی بتا دے تو وه چیز اس دوسرے شخص کو اس وقت دینا ضروری هے جب سے اطمینان هو جائے که یه اسی کا مال هے۔ اور یه ضروری نهیں که وه شخص ایسی نشانیاں بتائے جن کی طرف عموماً مال کا مالک بھی توجه نهیں دیتا۔

2587۔ کسی شخص کو جو چیز ملی هو اگر اس کی قیمت ایک درهم تک پهنچے تو اگر وه اعلان نه کرے اور اس چیز کو مسجد یا کسی دوسری جگه لوگ جمع هوتے هوں رکھ دے اور وه چیز تلف هوجائے یا کوئی دوسرا شخص اسے اٹھالے تو جس شخص کو وه چیز پڑی هوئی ملی هو وه ذمے دار هے۔

2588۔ اگر کسی شخص کو کوئی ایسی چیز مل جائے جو ایک سال تک باقی نه رهتی هو تو ضروری هے که ان تمام خصوصیات کے ساتھ جب تک که وه باقی رهے اس چیز کی حفاظت کرے جو اس کی قیمت باقی رکھنے میں اهمیت رکھتی هوں اور احتیاط لازم هے که اس مدت کے دوران اس کا اعلان بھی کرتا رهے اور اگر اس کا مالک نه ملے تو احتیاط کی بنا پر ۔ حاکم شرع یا اس کے وکیل کی اجازت سے اس کی قیمت کا تعین کرے اور اسے بیچ دے اور ان پیسوں کو اپنے پاس رکھے اور اس کے ساتھ

ص:489

ساتھ اعلان بھی جاری رکھے اور اگر ایک سال تک اس کا مالک نه ملے تو ضروری هے که جو کچھ مسئله 2577 میں بتایا گیا هے اس کے مطابق عمل کرے۔

2589۔ جو چیز کسی کو پڑی هوئی ملی هو اگر وضو کرتے وقت یا نماز پڑھتے وقت وه اس کے پاس هو اور اگر وه مالک کے ملنے کی صورت میں اسے نه لوٹانا چاهتا هو تو اس کا وضو اور نماز باطل نهیں هوگی۔

2590۔ اگر کسی شخص کا جوتا اٹھا لیا جائے اور اس کی جگه کسی اور کاجوتا رکھ دیا جائے اور اگر وه شخص جانتا هو که جو جوتا رکھا هے۔ وه اس شخص کا مال هے جو اس کا جوتا لے گیا هے اور اس بات پر راضی هو که جوتا وه لے گیا هے اس کے عوض اس کا جوتا رکھ لے تو وه اپنے جوتے کے بجائے وه جوتا رکھ سکتا هے۔ اور اسی طرح اگر وه شخص جانتا هو که وه شخص اس کا جوتا ناحق اور ظلماً لے گیا هے تب بھی یهی حکم هے لیکن اس صورت میں ضروری هے که اس جوتے کی قیمت اس کے اپنے جوتے کی قیمت سے زیاده نه هو ورنه زیاده قیمت کے متعلق مجهول المالک کا حکم جاری هوگا اور ان دو صورتوں کے علاوه اس جوتے پر مجهول المالک کا حکم جاری هوگا۔

2591۔اگر انسان کے پاس مجهول المالک مال هو اور اس مال پر لفظ گم شده کا اطلاق نه هوتا هو تو اس صورت میں که جب اسے اطمینان هو که اس کے اس مال میں تصرف کرنے پر اس مال کا مالک راضی هوگا تو جس طرح بھی وه اس مال میں تصرف کرنا چاهے اس کے لئے جائز هے۔ اور اگر اطمینان نه هو تو انسان کے لئے لازم هے که اس کے مالک کو تلاش کرے اور جب تک اس کے ملنے کی امید هو اس وقت تک تلاش کرے اور اس کے مالک کے ملنے سے مایوس هونے کے بعد اس مال کو بطور صدقه فقیر کو دینا ضروری هے۔ اور احتیاط لازم یه هے که حاکم شرع کی اجازت سے صدقه دے اور اگر بعد میں مال کا مالک مل جائے اور صدقه دینے پر راضی نه هو تو احتیاط کی بنا پر اسے اس کا عوض دینا ضروری هے۔